Многу е тешко да се продаде нешто. Проблемот е во тоа што многу луѓе никогаш не биле подучени како да купуваат. Треба да ги образувате купувачите и да ги убедите во користа која ќе ја имаат од купувањето на производот.
1. Приближете им се на купувачите. Најпрво потрудете се да го убедите купувачот дека имате многу заеднички и слични карактеристики. Ова е најбрзиот начин да продадете, ако на некој начин им се приближите на луѓето кои сакате да станат купувачи на вашите производи.
2. Обрнете особено внимание на она што ги мотивира вашите купувачи. Можеби звучи едноставно, но ќе бидете изненадени колку често продавачите забораваат дека постојат само два фактори кои ги движат нив и нивните купувачи. Првиот фактор е движењето во насока на целта или наградата, а вториот е избегнување на стравот или загубата. Треба да го обезбедите најдоброто за вашите купувачи, затоа што тие се факторот на успехот, факторот од кој зависи вашиот успех или вашата пропаст. Оној купувач кој настојува да се приближи кон наградата и квалитетот реагира бавно и внимателно ги преиспитува бенефитите од вашиот производ или услуга. Но, купувачот кој се плаши да избира, го зема оној производ кој прв му доаѓа во рака и кој има многу пониска цена од вашиот.
3. Дознајте каков е личниот став на вашиот купувач. Според теоретичарот на личности, Дејвид Мерил, постојат четири различни стилови кај луѓето: љубезен, аналитичен, возач и експресивен. За да знаете на кого како да ги продавате сопствените производи и услуги, мора да ги знаете личните стилови на луѓето и како тие реагираат на продажбата.
4. Тренирајте ги вашите купувачи. Многу е тешко да се продаде нешто. Проблемот е во тоа што многу луѓе никогаш не биле подучени како да купуваат. Треба да ги образувате купувачите за вашите производи и да им го објасните самиот процес на купување. Еве три чекори кои би требало да ги направите уште во најраната фаза од вашиот процес на продажба:
Емоционално приврзете го купувачот со ситуацијата која може да ја разреши вашиот производ. Мора да направите нешто за купувачот да ја почувствува загубата од евентуалното некупување на производот кој го нудите. Пробајте да му објасните што е тоа што тој ќе го добие или пропушти ако не го направи сопствениот избор во ваша полза.
Истакнете ги сите трошоци и вредности кои произлегуваат од ситуацијата која може да ја разреши производот. Ако купувачот не се одлучи за производот кој го нудите, кажете му колкави ќе бидат неговите трошоци за поправка и рекламација на конкурентскиот.
Поврзете го производот со решението на проблемот. Дознајте кои проблеми во купувањето ги имаат вашите купувачи и обидете се да разберете како тие сакаат да бидат надминати нивните проблеми. Сугестиите инкорпорирајте ги во самата продажба и очекувајте успех во продажбата.
Преземено од: Неделен магазин Капитал
Остави коментар