Менаџирањето на вработените и гледањето како се развиваат професионално може да биде многу благодарно искуство, но, од друга страна, и предизвик проследен со тешкотии. Кога сите од вас очекуваат мудрост и ефективно лидерство, многу е важно да не ја загубите рамнотежата и треснете со лицето в земја.
Менаџирањето на вработените и гледањето како се развиваат професионално може да биде многу благодарно искуство, но, од друга страна, и предизвик проследен со тешкотии. Кога сите од вас очекуваат мудрост и ефективно лидерство, многу е важно да не ја загубите рамнотежата и треснете со лицето в земја. Избегнете ги најчестите менаџерски грешки и стапици во кои може да западнете.
Не давате пример со своето лидерство
Вашите вработени гледаат во вас лидер. Затоа, внимавајте како се однесувате на работното место. Слушајте внимателно, комуникацијата нека ви биде јасна и бидете отворени за идеи и прашања од страна на колегите. Ова однесување ќе биде пример и за вашиот тим. Не дозволувајте вработените да имаат впечаток дека работата им е наметната со сила. Кога им давате задачи и проекти, дозволете им да ви поставуваат прашања во врска со целите на проектот. Објаснете им зошто токму тие се одбрани за конкретната задача (на пример,”Ана, вашите аналитички способности се навистина посебни и јас сметав дека сте најпогодната личност што би била одговорна за спроведување на истражувањето”). На тој начин тие ќе знаат дека ним сте им ја доделиле задачата затоа што ја цените нивната работа и тоа исклучително ќе ги мотивира да ја сработат најдобро што можат.
Заборавате да ги негувате младите таленти
Иако може да постојат две или три хиерархиски скалила меѓу вас и најмладите колеги по ранг, добро би било да го развивате нивниот талент преку тет-а-тет разговори со нив. На овој начин ќе откриете кои се, всушност, нивните професионални цели. Преку неформално муабетење со нововработените ќе научите битни нешта за тоа каде се гледаат себеси во компанијата. Повеќето од младите вработени се желни да зграбат нови предизвици и можности, затоа искористете го тоа дознавајќи каков вид задачи би сакале да преземат.
Ги игнорирате постарите работници
Понекогаш се чини како полека да избледува дека сликата за најискусните работници. Тие ја извршуваат одлично својата работа, но нивната ефикасност и рутина како да не се забележува. Ова може да предизвика тие да се чувствуваат како секој да очекува дека треба да работат беспрекорно и никој не обрнува внимание на тоа. Елиминирајте го ова, со тоа што ќе ги охрабрите да преземат дополнителни одговорности, за што тие ќе бидат прилично возбудени. Дури и најискусните работници можат да ги зајакнат своите вештини и способности.
Издавате наредби, а не сугестии
Никој не сака да му се шефува цело време. Иако вие сте шефот, треба ова да го имате на ум. Наместо постојано да ги бомбардирате вработените со тоа што треба да направат, дајте им сугестии и охрабрете ги да ги споделат со вас сопствените идеи за тоа кој е најдобриот начин да се заврши работата. На крајот, вашите вработени ќе се чувствуваат повредни, а во нивните очи ќе бидете повеќе лидер отколку армиски командант.
Не ја поттикнувате креативноста
Многу лесно можете да заглавите во шемата “истото, па истото, секој ден” во вашата работна средина. Како менаџер, ваша задача е да внесувате свежина во сето тоа. Затоа, мора да стимулирате нови идеи од вашите вработени. Поставете кутија во која тие ќе ги фрлаат новите идеи, сугестии и предлози и по извесно време направете увид во неколку позначајни на состанокот со нив. Бизнисот станува подобар преку постојан проток на свежо, креативно мислење и како менаџер мора да најдете начин да ја наградите креативноста на вашите колеги.
Се држите стриктно до претходно воспоставена рутина
Ако преземате менаџерска улога со веќе етаблиран тим, не плашете се да ги измените постоечката практика и процедури, со цел да постигнете поголема ефикасност. Само заради тоа што некоја активност била извршувана на одреден начин веќе подолго време не значи дека нема место за подобрување. Со инволвирање на персоналот во промената на тие активности на сигурен пат сте да ги вклопите во новите работни циклуси.
Не споделувате критики и пофалби
Обезбедувањето повратни информации на вашите вработени треба да е честа активност, а не нешто што се случува само во време кога се поднесуваат извештаи. Вработените треба континуирано да знаат дали работат добро или не, па ако чекате да им го соопштите тоа само кога е формално определеното време и не е најпаметна стратегија. Ако почесто ги споделувате своите критики или пофалби, ќе има простор да се случат подобрувања кај вашите вработени.
Скржави сте на давање комплименти
Имате играч во вашиот тим кој постојано работи беспрекорно? Погрижете се да му дадете соодветно признание, во спротивно би можеле да му ги дадете нешто друго – документите кога ќе се реши да ја напушти фирмата. Ништо не може да го натера вработениот да бара нова средина за докажување, како што може потценувањето на неговиот придонес во резултатите на компанијата. Не штедете ги комплиментите, наградете ги вашите добри работници со бонуси и унапредувања, секогаш кога има можност за тоа.
Ги потенцирате грешките наместо да дадете позитивен пример
Доколку на некој од вработените не му оди толку сјајно во извршувањето на задачите, истакнувањето само на она што е погрешно направено нема да ја подобри ситуацијата. Ако имате потреба да ги посоветувате вработените како би можеле да го подобрат својот ефект, сторете го тоа, не колебајте се. Дадете им позитивен пример. Разговарајте со нив отворено, добронамерно давајќи им совети и сугестии. Тоа ќе ги направи повеќе отворени кон прифаќање на вашето лидерство, наместо да имаат одбранбен став поради критиките упатени кон нив.
Не успевате да изградите силен тим
Ако имате група талентирани индивидуалци што работат независно, не е ни приближно продуктивно како поседувањето висококвалификуван тим што работи заедно. Зајакнете ја тимската работа одржувајќи редовни состаноци, каде што секој ќе има можност да сподели со останатите она што го работи. На овој начин ќе направите атмосфера за креирање нови идеи.
Преземено од: Неделен магазин Капитал
Остави коментар